ୟୁଏଇକୁ ୟୁପିଆଇ ସମ୍ପ୍ରସାରଣ ପାଇଁ ଏନପିସିଆଇ ଇଂଟରନ୍ୟାସନାଲ ଓ ମାଗ୍ନାଟି ମଧ୍ୟରେ ସହଯୋଗିତା

ଭୁବନେଶ୍ୱର: ୟୁନିଫାଏଡ ପେମେଂଟ ଇଂଟରଫେସ (ୟୁପିଆଇ)କୁ ମଧ୍ୟପ୍ରାଚ୍ୟରେ ସମ୍ପ୍ରସାରଣ କରିବା ପାଇଁ ନ୍ୟାସନାଲ ପେମେଂଟ କର୍ପୋରେସନ ଅଫ ଇଣ୍ଡିଆର ଅନ୍ତର୍ଜାତୀୟ ଶାଖା ଏନପିସିଆଇ ଇଂଟରନ୍ୟାସନାଲ ପେମେଂଟସ ଲିମିଟେଡ (ଏନଆଇପିଏଲ) ପକ୍ଷରୁ ୟୁଏଇର ମାଗ୍ନାଟି ପଏଂଟ ଅଫ ସେଲ ସହିତ ସହଯୋଗିତା ସ୍ଥାପନ କରାଯାଇଛି। ଏହି ସହଯୋଗିତାର ଲକ୍ଷ୍ୟ ହେଉଛି ୟୁଏଇରେ କ୍ୟୁଆର କୋଡ ଆଧାରିତ ମର୍ଚାଂଟ ପେମେଂଟ ନେଟୱର୍କର ସମ୍ପ୍ରସାରଣ କରିବା ଯାହା ଜରିଆରେ ଅଧିକରୁ ଅଧିକ ବ୍ୟବସାୟୀ ଭାରତୀୟ ଭ୍ରମଣକାରୀଙ୍କଠାରୁ ୟୁପିଆଇ ଜରିଆରେ ପେମେଂଟ ହାସଲ କରିପାରିବେ।
ୟୁପିଆଇକୁ ବିଶ୍ୱର ସବୁଠୁ ସଫଳ ବାସ୍ତବ ସମୟ ପେମେଂଟ ବ୍ୟବସ୍ଥା କୁହାଯାଉଛି ଯାହା ୨୦୨୪ ଡିସେମ୍ବରରେ ୧୬ ବିଲିଅନରୁ ଅଧିକ କାରବାରର ପ୍ରକ୍ରିୟାକରଣ କରିଛି। ବର୍ଷକୁ ଦୁବାଇ ଓ ୟୁଏଇ ଯାତ୍ରା କରୁଥିବା ୧୨ ନିୟୁତ ଭାରତୀୟ ଯାତ୍ରୀଙ୍କୁ ଏନଆଇପିଏଲ ନିରବଚ୍ଛିନ୍ନ ପେମେଂଟ ବିକଳ୍ପ ପ୍ରଦାନ କରିପାରିବ।
ପ୍ରାରମ୍ଭିକ ପର୍ଯ୍ୟାୟରେ ଏହି ସୁବିଧା ଦୁବାଇ ଡ୍ୟୁଟି ଫ୍ରିରେ ଉପଲବ୍ଧ ହେବ, ଯେଉଁଠାରେ ଭାରତୀୟ ପର୍ଯ୍ୟଟକମାନେ ଉନ୍ନତ ସପିଙ୍ଗ ଓ ପେମେଂଟ ଅନୁଭୂତି ପାଇପାରିବେ।
ଏନପିସିଆଇ ଇଂଟରନ୍ୟାସନାଲର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ରିତେଶ ଶୁକ୍ଳା କହିଛନ୍ତି ଯେ “ମାଗ୍ନାଟି ସହ ଭାଗିଦାରୀ ୟୁଏଇରେ ୟୁପିଆଇ ସ୍ୱୀକୃତିକୁ ବିସ୍ତାର କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ । ଏହା ଭାରତୀୟ ଯାତ୍ରୀମାନଙ୍କୁ ଦୁବାଇ ଡ୍ୟୁଟି-ଫ୍ରି ଭଳି ପ୍ରମୁଖ ଗନ୍ତବ୍ୟସ୍ଥଳରେ ଏକ ନିରବଚ୍ଛିନ୍ନ ଏବଂ ପରିଚିତ ଦେୟ ଅନୁଭୂତି ପ୍ରଦାନ କରିବ। ଏହି ସହଯୋଗିତା ଭାରତୀୟମାନଙ୍କୁ ଏକ ବିଶ୍ୱସ୍ତରୀୟ ଡିଜିଟାଲ ଦେୟ ନେଟୱାର୍କ ପ୍ରଦାନ କରିବା ଏବଂ ବିଦେଶରେ ସେମାନଙ୍କ ଦେୟ ଅଭିଜ୍ଞତାକୁ ବୃଦ୍ଧି କରିବାର ଆମର ଲକ୍ଷ୍ୟ ସହିତ ସମନ୍ୱିତ ରହିଛି। ଏହା ଭାରତ ଓ ୟୁଏଇ ମଧ୍ୟରେ ବ୍ୟାପକ ଅର୍ଥନୈତିକ ଓ ସାଂସ୍କୃତିକ ସମ୍ପର୍କ ପାଇଁ ପଥ ପ୍ରଶସ୍ତ କରିବ।’’
ମାଗ୍ନାଟିର ଇନଷ୍ଟିଚ୍ୟୁସନାଲ ପେମେଂଟସ ସଲ୍ୟୁସନର ପରିଚାଳନା ନିର୍ଦ୍ଦେଶକ ସଲିମ ଆୱାନ କହିଛନ୍ତି ଯେ, ‘ଏନପିସିଆଇ ଇଂଟରନ୍ୟାସନାଲ ସହଯୋଗରେ ମଗ୍ନାଟି ଦୁବାଇ ଡ୍ୟୁଟି ଫ୍ରି ପାଇଁ ଏହାର ବିକଳ୍ପ ପେମେଂଟ ଚ୍ୟାନେଲ ନେଟୱାର୍କକୁ ବିସ୍ତାର କରିଛି କାରଣ ଏହି ସହଯୋଗିତାର ଲକ୍ଷ୍ୟ ହେଉଛି ଡିଜିଟାଲ ପେମେଂଟକୁ ସୁଦୃଢ଼ କରିବା, ସୀମାପାର ଦେୟକୁ ସୁଗମ କରିବା ଏବଂ ଭାରତୀୟ ଯାତ୍ରୀ ଏବଂ ପ୍ରବାସୀ ଭାରତୀୟଙ୍କୁ ଏକ ନିରବଚ୍ଛିନ୍ନ ଦେୟ ଅନୁଭୂତି ପ୍ରଦାନ କରିବା । ଏହି ସହଯୋଗିତା ଅଭିନବ ଡିଜିଟାଲ ସମାଧାନ ପ୍ରତି ଆମର ପ୍ରତିବଦ୍ଧତାର ଉଦାହରଣ।’’
ଦୁବାଇ ଡ୍ୟୁଟି ଫ୍ରିର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ରମେଶ ସିଦାମ୍ବି କହିଛନ୍ତି ଯେ, ‘ମାଗ୍ନାଟିର ସହଯୋଗିତା ନବସୃଜନ ଏବଂ ଗ୍ରାହକ-କେନ୍ଦ୍ରୀକ ସମାଧାନ ପ୍ରତି ଏହାର ପ୍ରତିବଦ୍ଧତା ସହିତ ଦୃଢ଼ ଭାବରେ ଯୋଡ଼ି ହୋଇଛି। ୟୁପିଆଇକୁ ଏହାର ଦେୟ ସ୍ୱୀକୃତି ବ୍ୟବସ୍ଥାରେ ଯୋଡ଼ି ମାଗ୍ନାଟି ସମଗ୍ର ୟୁଏଇରେ ବ୍ୟବସାୟଗୁଡିକ ପାଇଁ ଏକ ବିଶ୍ୱସ୍ତ ଅଂଶୀଦାର ଭାବରେ ନିଜର ସ୍ଥିତି ପ୍ରଦର୍ଶନ କରୁଛି ଯାହା ଉଭୟ ବ୍ୟବସାୟୀ ଏବଂ ଗ୍ରାହକଙ୍କ ପାଇଁ ଦ୍ରୁତ, ଅସୁବିଧା ମୁକ୍ତ ଏବଂ ସୁରକ୍ଷିତ ଦେୟ ଅନୁଭୂତିକୁ ସକ୍ଷମ କରୁଛି।”