ସେବା ଓ ଲୋକ ସମ୍ପର୍କର ଏକ ହୃଦୟସ୍ପର୍ଶୀ ନିଦର୍ଶନ ସ୍ୱରୂପ, ଟାଟା ପାୱାର ଏବଂ ଓଡ଼ିଶା ସରକାରଙ୍କ ଯୌଥ ଉଦ୍ୟୋଗ, ଟିପି ୱେଷ୍ଟର୍ଣ୍ଣ ଓଡ଼ିଶା ଡିଷ୍ଟ୍ରିବ୍ୟୁସନ୍ ଲିମିଟେଡ୍ (ଟିପିଡବ୍ଲ୍ୟୁଓଡିଏଲ୍) ପକ୍ଷରୁ ପବିତ୍ର ଶୀତଳ ଷଷ୍ଠୀ ଉତ୍ସବ ଅବସରରେ ସମ୍ବଲପୁର ସହର ସ୍ଥିତ ଭୂତାପଡ଼ାଠାରେ ଏକ ଜଳ ଛତ୍ରର ଆୟୋଜନ କରାଯାଇଥିଲା । ଏହି ଜଳ ଛତ୍ରର ମୁଖ୍ୟ ଲକ୍ଷ୍ୟ ଥିଲା ପ୍ରଚଣ୍ଡ ଗ୍ରୀଷ୍ମ ପ୍ରବାହରେ ଏହି ଧାର୍ମିକ ଶୋଭାଯାତ୍ରାରେ ଅଂଶଗ୍ରହଣ କରୁଥିବା ଭକ୍ତ, ପଦଯାତ୍ରୀ ଏବଂ ସାଧାରଣ ଜନତାଙ୍କୁ ଥଣ୍ଡା ପାନୀୟ ଜଳ ଯୋଗାଇ ଦେବା ।
ପଶ୍ଚିମ ଓଡ଼ିଶାର ଏକ ଗୁରୁତ୍ୱପୂର୍ଣ୍ଣ ସାଂସ୍କୃତିକ ଏବଂ ଧାର୍ମିକ ଉତ୍ସବ ହେଉଛି ଶୀତଳ ଷଷ୍ଠୀ । ଏହି ଦିନ ଭଗବାନ ଶିବ ଏବଂ ଦେବୀ ପାର୍ବତୀଙ୍କ ଦିବ୍ୟ ବିବାହ ଉତ୍ସବକୁ ପାଳନ କରାଯାଏ । ପ୍ରତିବର୍ଷ ଏହି ଦିବ୍ୟ ବିବାହ ଉତ୍ସବ ହଜାର ହଜାର ଭକ୍ତ ଏବଂ ପର୍ଯ୍ୟଟକଙ୍କୁ ଆକର୍ଷିତ କରିଥାଏ । ତେବେ ପଶ୍ଚିମ ଓଡ଼ିଶାର ବର୍ଦ୍ଧିତ ତାପମାତ୍ରାକୁ ଦୃଷ୍ଟିରେ ରଖି ଭକ୍ତ, ପଦଯାତ୍ରୀ ଏବଂ ସାଧାରଣ ଜନତାଙ୍କ ପାଇଁ ଏହି ଜଳ ଛତ୍ରର ଆୟୋଜନ କରାଯାଇଥିଲା ।
ତେବେ ଟିପିଡବ୍ଲ୍ୟୁଓଡିଏଲର ଏହି ପଦକ୍ଷେପକୁ ସମ୍ବଲପୁର ସହରର ଜନସାଧାରଣଙ୍କ ଦ୍ୱାରା ବ୍ୟାପକ ଭାବରେ ପ୍ରଶଂସା କରାଯାଇଅଛି । ଅନେକ ଲୋକେ ସ୍ଥାନୀୟ ପ୍ରଥା ପ୍ରତି ଟିପିଡବ୍ଲ୍ୟୁଓଡିଏଲର ସମ୍ବେଦନଶୀଳତା ଏବଂ ସାର୍ବଜନୀନ ସେବା ପ୍ରତି ଏହାର ସକ୍ରିୟ ଆଭିମୁଖ୍ୟକୁ ପ୍ରଶଂସା କରିଛନ୍ତି ।