କଳିଙ୍ଗନଗର, ସେପ୍ଟେମ୍ବର ୪, ୨୦୨୬ : ନୀଳାଚଳ ଇସ୍ପାତ ନିଗମ (ଏନ୍ଆଇଏନ୍ଏଲ୍) ପକ୍ଷରୁ ପ୍ଳାଣ୍ଟ ପରିସର ବାହାରେ ଏକ ବ୍ୟାପକ ‘ସାଇକେଲ ଚାଳକ ସୁରକ୍ଷା ଅଭିଯାନ’ ସଫଳତାର ସହ ଆୟୋଜିତ ହୋଇଯାଇଛି। ସାଇକେଲ ଚାଳକମାନଙ୍କ ନିରାପଦ ଯାତାୟାତ ଏବଂ ରାସ୍ତାରେ ସେମାନଙ୍କ ସ୍ପଷ୍ଟ ଦୃଶ୍ୟମାନତାକୁ ସୁନିଶ୍ଚିତ କରିବା ଉଦ୍ଦେଶ୍ୟରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
ସନ୍ଧ୍ୟା କିମ୍ବା ରାତ୍ରୀ ସମୟରେ ଯାତ୍ରୀଙ୍କ ସୁରକ୍ଷାକୁ ଦୃଷ୍ଟିରେ ରଖି, ଏହି ଅଭିଯାନ ଅଧୀନରେ ୩୧୧ଟି ସାଇକେଲରେ ରେଟ୍ରୋ-ରିଫ୍ଲେକ୍ଟିଭ୍ ଷ୍ଟିକର୍ ଲଗାଯାଇଥିଲା। ଏହି କାର୍ଯ୍ୟକ୍ରମରେ ବିଭିନ୍ନ ବିଭାଗର ୧୦୨ ଜଣ ସ୍ୱେଚ୍ଛାସେବୀ ଅଂଶଗ୍ରହଣ କରି କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
ଏହି କାର୍ଯ୍ୟକ୍ରମରେ ଏନ୍ଆଇଏନ୍ଏଲ୍ର ଅପରେସନ୍ସ ଆଣ୍ଡ ମେଣ୍ଟେନାନ୍ସ ଚିଫ୍ ବିନୀତ ରଞ୍ଜନ ତ୍ରିପାଠୀଙ୍କ ସମେତ ଅନ୍ୟାନ୍ୟ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ।
କମ୍ପାନୀର ରୋଡ୍ ଆଣ୍ଡ ରେଲ୍ ସେଫ୍ଟି ସବ୍-କମିଟି (ଆରଆରଏସଏସସି), ସୁରକ୍ଷା ବିଭାଗ, ସିକ୍ୟୁରିଟି ବିଭାଗ ଏବଂ ମାନବ ସମ୍ବଳ ତଥା ପ୍ରଶାସନ ବିଭାଗର ମିଳିତ ସହଯୋଗରେ ଏହି ଅଭିଯାନ ଆୟୋଜନ କରାଯାଇଥିଲା। ଏହି ପଦକ୍ଷେପ ସଡ଼କ ସୁରକ୍ଷା ସମ୍ପର୍କରେ ଜନସଚେତନତା ସୃଷ୍ଟି କରିବା ସହ କର୍ମଚାରୀ ତଥା ସ୍ଥାନୀୟ ଜନସାଧାରଣଙ୍କ ସୁରକ୍ଷା ଏବଂ କଲ୍ୟାଣ ପ୍ରତି ଏନ୍ଆଇଏନ୍ଏଲ୍ର ପ୍ରତିବଦ୍ଧତାକୁ ପ୍ରଦର୍ଶିତ କରୁଛି।