ଟାଟା ଏଆଇଏ ଲାଇଫ ଇନସ୍ୟୁରାନ୍ସ ପକ୍ଷରୁ ମଲ୍ଟିଫ୍ୟାକ୍ଟର ଇଣ୍ଡେକ୍ସ ଫଣ୍ଡର ଶୁଭାରମ୍ଭ

ଭୁବନେଶ୍ୱର: ବଜାର ଅସ୍ଥିରତା ପାଇଁ ନିବେଶକମାନେ ଦୀର୍ଘକାଳୀନ ନିବେଶ ପ୍ରତି ପ୍ରତିବଦ୍ଧ ହୋଇପାରୁନାହାନ୍ତି। ଟାଟା ଏଆଇଏ ଲାଇଫ ଇନସ୍ୟୁରାନ୍ସ ପକ୍ଷରୁ ଟାଟା ଏଆଇଏ ମଲଟିଫ୍ୟାକ୍ଟର ଇଣ୍ଡେକ୍ସ ଫଣ୍ଡ ଉନ୍ମୋଚନ କରାଯାଇଛି। ଏହା ହେଉଛି ଏକ ୟୁନିଟ ଲିଙ୍କଡ ସମାଧାନ ଯାହା ଇକ୍ୱିଟି ବଜାରରେ ଅଂଶଗ୍ରହଣ କରିବା ସହିତ ଜୀବନ ବୀମା ସୁରକ୍ଷା ପ୍ରଦାନ କରିବ।
ଏହି ଫଣ୍ଡ ପାଇଁ ନିଫ୍ଟି ୫୦୦ ମଧ୍ୟରୁ ୫୦ଟି କମ୍ପାନିକୁ ଚୟନ କରାଯାଇଛି। ସେଥିପାଇଁ ନିମ୍ନ ଅସ୍ଥିରତା, ଗୁଣାତ୍ମକ ମାନ, ମୂଲ୍ୟ ଓ ଗତିଶୀଳତା ଭଳି ଚାରିଟି ବିଷୟ ବିଚାରକୁ ନିଆଯାଇଥିଲା। ଅଳ୍ପ ଅସ୍ଥିରତା ସାମନା କରୁଥିବା କମ୍ପାନିଗୁଡ଼ିକ ଉପରେ ବିଶେଷ ଗୁରୁତ୍ୱ ଦିଆଯାଇଛି ଯେଉଁମାନଙ୍କର ମୂଲ୍ୟ ସାଧାରଣତଃ ସ୍ଥିର ରହୁଛି। ତାହା ନିବେଶକମାନଙ୍କୁ ଦ୍ରୁତ, ଅଧିକ ସ୍ଥାୟୀ ନିବେଶ ଯାତ୍ରା ପାଇଁ ସହାୟକ ହେବା ସହ ଇକ୍ୱିଟି ବଜାର ଅଭିବୃଦ୍ଧିରେ ସେମାନଙ୍କୁ ସାମିଲ କରିବ।
ଉପଯୋଗିତା, ମାନୁଫାକଚରିଂ, ଭିତିଭୂମି ବିକାଶ ଓ ଡିଜିଟାଲ ସମ୍ପ୍ରସାରଣକୁ ନେଇ ଭାରତ ଦୃଢ଼ ଦୀର୍ଘକାଳୀନ ଅଭିବୃଦ୍ଧି ସମ୍ଭାବନା ପ୍ରଦାନ କରୁଛି। କିନ୍ତୁ ବଜାର ସିଧାସଳଖ ରେଖାରେ ଆଗକୁ ବଢ଼ୁନାହିଁ। ଗୋଟିଏ ବିଷୟ କିମ୍ବା ଗୋଟିଏ ପ୍ରକାର ନିବେଶ ଢ଼ାଂଚାରେ ଆଗକୁ ବଢ଼ିଲେ ବିପଦ ସାମନା କରିବାର ଆଶଙ୍କା ରହିଛି ଯାହା ନିବେଶକମାନଙ୍କୁ ବଜାର ହ୍ରାସ ସମୟରେ ପ୍ରଭାବିତ କରିବ। ଟାଟା ଏଆଇଏ ମଲଟି ଫ୍ୟାକ୍ଟର ଇଣ୍ଡେକ୍ସ ଫଣ୍ଡ ସେହି ସମସ୍ୟାର ସମାଧାନ କରିବ। ଏହାର ନିମ୍ନ ଅସ୍ଥିରତା ଉପାଦାନ ମୂଲ୍ୟରେ ଦ୍ରୁତ ହ୍ରାସ ସମୟରେ ସୁରକ୍ଷା ପ୍ରଦାନ କରିବ।
ଟାଟା ଏଆଇଏର ୟୁଲିପ ସମାଧାନଗୁଡ଼ିକରେ ଉପଲବ୍ଧ ହୋଇଥିବା ଏହି ଫଣ୍ଡ ଗ୍ରାହକମାନଙ୍କୁ ଜୀବନ ବୀମା ସୁରକ୍ଷା ସହିତ ବଜାର ସହ ଯୋଡ଼ି ହୋଇଥିବା ନିବେଶ ସୁଯୋଗ ପ୍ରଦାନ କରିବ। ପରୋକ୍ଷ, ପରିମାଣ ଭିତ୍ତିକ ଫ୍ରେମୱର୍କ ଜରିଆରେ ଦୀର୍ଘକାଳୀନ ସମ୍ପତ୍ତି ଗଢ଼ିବାକୁ ଏହି ରଣନୀତି ପ୍ରସ୍ତୁତ କରାଯାଇଛି। ଏକ ନିୟମ ଆଧାରିତ ଆଭିମୁଖ୍ୟ ଜରିଆରେ ଏହି ଫଣ୍ଡ ସ୍ୱତନ୍ତ୍ର ଷ୍ଟକ ଚୟନ ଉପରେ ନିର୍ଭରଶୀଳତା କମ କରିବ ଏବଂ ପୋର୍ଟଫୋଲିଓ ଗଠନ ଓ ପୁନଃସନ୍ତୁଳନରେ ସ୍ଥିରତା ସୁନିଶ୍ଚିତ କରିବ।
ଏହି ଫଣ୍ଡର ବେଂଚମାର୍କ ହେଉଛି ନିଫ୍ଟି ୫୦୦ ମଲଟି ଫ୍ୟାକ୍ଟର ଏମକ୍ୟୁଭିଏଲଭି ୫୦ ଇଣ୍ଡେକ୍ସ। ଏଥିରେ ୮୦-୧୦୦ ପ୍ରତିଶତ ପାଣ୍ଠିକୁ ଇକ୍ୱିଟିରେ ନିବେଶ କରାଯିବ। ନଗଦ ଓ ମନି ବଜାରରେ ଆବଂଟନ ୦-୨୦ ପ୍ରତିଶତ ମଧ୍ୟରେ ରହିଛି। ନିଫ୍ଟି ୫୦୦ର ୫୦ଟି କମ୍ପାନିକୁ ନେଇ ପୋର୍ଟଫାଲିଓ ଗଠନ କରାଯିବ। ଏହାର ଏନଏଫଓ ୨୦୨୬ ଜୁନ ୨୩ରୁ ୩୦ ମଧ୍ୟରେ ଖୋଲା ରହିବ। ଏହି ସମୟରେ ସଂଗ୍ରହ କରାଯିବାକୁ ଥିବା ପଲିସିଗୁଡ଼ିକୁ ୧୦ ଟଙ୍କାର ଏନଏଭି ଅନୁସାରେ ଜାରି କରାଯିବ ଯାହା ୨୦୨୬ ଜୁନ ୩୦ରୁ ପ୍ରଭାବୀ ହେବ।