ଭୁବନେଶ୍ୱର: ନ୍ୟାସନାଲ ପେମେଣ୍ଟସ୍ କର୍ପୋରେସନ୍ ଅଫ ଇଣ୍ଡିଆ (ଏନପିସିଆଇ)ର ଏକ ସମ୍ପୂର୍ଣ୍ଣ ମାଲିକାନା ସହାୟକ କମ୍ପାନି ଏନପିସିଆଇ ଭାରତ ବିଲ୍ପେ ଲିମିଟେଡ୍ (ଏନବିବିଏଲ୍) ପକ୍ଷରୁ ଜସପେ ସହିତ ସହଭାଗିତାରେ ବ୍ୟାଙ୍କିଙ୍ଗ୍ କନେକ୍ଟ ପାଇଁ ଏକ ‘ସୁଇଚ୍’ ପ୍ରଚଳନ କରାଯାଇଛି ଯାହା ପ୍ଲାଟଫର୍ମ ସହିତ ବ୍ୟାଙ୍କ ଏକୀକରଣକୁ ସରଳ କରିବ। ଏହି ନୂତନ କ୍ଷମତା ଆପ ଭିତିକ ନେଟ ବ୍ୟାଙ୍କିଙ୍ଗ ଯାତ୍ରାକୁ ଅଧିକ ଦ୍ରୁତ, ସହଜ ଓ ସୁରକ୍ଷିତ କରିବା ପାଇଁ ପ୍ରସ୍ତୁତ କରାଯାଇଛି।
ଏହି ସୁଇଚ୍, ଏକ ସଫ୍ଟୱେର୍ ଡେଭଲପର୍ କିଟ୍ (ଏସଡିକେ) ସହିତ ମିଶି କିଛି ପ୍ରମୁଖ ଅଂଶୀଦାର ସ୍ତରୀୟ ଉନ୍ନତି ପ୍ରଦାନ କରିବ ଯେଉଁଥିରେ ବିପଦ ଏବଂ ଜାଲିଆତି ଚିହ୍ନଟ ପ୍ରଣାଳୀ ପାଇଁ ସ୍ୱଚ୍ଛ ତଥ୍ୟ ବିତରଣ ଓ ଏନବିବିଏଲର ବ୍ୟାଙ୍କିଙ୍ଗ୍ କନେକ୍ଟ ସେଣ୍ଟ୍ରାଲ୍ ସୁଇଚ୍କୁ ନିରବଚ୍ଛିନ୍ନ ରାଉଟିଙ୍ଗ୍ ସାମିଲ ରହିଛି।
ଏହି ସହଯୋଗ ମାଧ୍ୟମରେ ପ୍ରବର୍ତ୍ତନ କରାଯାଇଥିବା ଏକୀକୃତ ଏସଡିକେ ଓ ସୁଇଚ୍ ନିମ୍ନଲିଖିତ ବ୍ୟାଙ୍କ ଓ ଅଂଶୀଦାରମାନଙ୍କ ପାଇଁ ଏକ ଏକକ ଏକୀକରଣ ସ୍ତର ପ୍ରଦାନ କରିବ। ଏହା ବ୍ୟାଙ୍କିଙ୍ଗ୍ କନେକ୍ଟ ସେଣ୍ଟ୍ରାଲ୍ ସୁଇଚ୍କୁ ନିରବଚ୍ଛିନ୍ନ ରାଉଟିଙ୍ଗ୍ ଓ ବିପଦ ଏବଂ ଜାଲିଆତି ପ୍ରଣାଳୀ ପାଇଁ ସ୍ୱଚ୍ଛ, ସୁସଂଗଠିତ ତଥ୍ୟ ପ୍ରଦାନ ମଧ୍ୟ କରିବ।
ଏନବିବିଏଲର ଏମଡି ଓ ସିଇଓ ନୂପୁର ଚତୁର୍ବେଦୀ କହିଛନ୍ତି ଯେ, “ବ୍ୟାଙ୍କିଙ୍ଗ୍ କନେକ୍ଟକୁ ଏକ ସମାଧାନ ଭାବରେ ପରିକଳ୍ପନା କରାଯାଇଥିଲା ଯାହା ଗ୍ରାହକମାନଙ୍କୁ ଏକ ଉନ୍ନତ ନେଟ୍ ବ୍ୟାଙ୍କିଙ୍ଗ୍ ଅଭିଜ୍ଞତା ପ୍ରଦାନ କରିବ ଯାହା ପରିଶୋଧିତ ଏବଂ ସହଜ। ଏହାର ମୁକ୍ତ ଢାଞ୍ଚା ବ୍ୟାଙ୍କ ଓ ଅଂଶୀଦାରମାନଙ୍କୁ ସହଜରେ ନିର୍ମାଣ ଏବଂ ନବସୃଜନ କରିବାକୁ ଏକ ପ୍ଲାଟଫର୍ମ ପ୍ରଦାନ କରିବ। ଜସପେର ଏସଡିକେ ଓ ସୁଇଚ୍ ଜରିଆରେ ଶିଳ୍ପ ଅଂଶୀଦାରମାନେ ଏକୀକୃତ ଓ ବ୍ୟାଙ୍କ ପ୍ରଥମ ନେଟ୍ ବ୍ୟାଙ୍କିଙ୍ଗ୍ ଯାତ୍ରା ପ୍ରଦାନ କରିବାକୁ ବ୍ୟାଙ୍କିଙ୍ଗ୍ କନେକ୍ଟର ଲାଭ ଉଠାଇ ପାରିବେ। ଆମେ ବିଶ୍ୱାସ କରୁ ଯେ ଏପରି ମିଳିତ ନିର୍ମାଣ ପ୍ରୟାସ ଆଧୁନିକ, ଆପ ଭିତ୍ତିକ ପେମେଣ୍ଟ ଅଭିଜ୍ଞତାର ଗ୍ରହଣକୁ ତ୍ୱରାନ୍ୱିତ କରିବ ଏବଂ କୋଟି କୋଟି ଗ୍ରାହକଙ୍କ ପାଇଁ ବ୍ୟାଙ୍କିଙ୍ଗ୍ କନେକ୍ଟକୁ ଏକ ବିଶ୍ୱସ୍ତ ଏବଂ ଭବିଷ୍ୟତ-ପ୍ରସ୍ତୁତ ବିକଳ୍ପ ଭାବରେ ଅଧିକ ମଜବୁତ କରିବ।”